Хомус кэрэ дьүрүскэнэ дьиэрэйдэ

Сир үрдүгэр саамай кэрэ – киһи, кини Айыылартан айыллыбыт куттаах-сиэрдээх. Ону ааһан киниэхэ анаан дьикти тыастаах хомуһу киһиэхэ анаабыттар. Алтынньы ый 18 күнүгэр Сайдыы түмсүү иһинэн “Хомус алыптаах дьүрүскэнэ” диэн маастар кылаас буолан ааста. Ол курдук  хомуска саҕалааһыны кэлэн көрдөрдө, кэпсээтэ алгысчыт, тойуксут, хомусчут – Саргылана Николаева-Тубсаана уонна уһуйааччы Ангелина Спиридонова-Сир Симэҕэ.

Өрөспүүбүлүкэтээҕи социальнай техникум-интернат студеннара, Стрекаловская Лукерия Николаевна салайааччылаах кэлэн кыттыыны ыллылар. Кэпсэтии кэнниттэн оҕолор ыйытыы биэрдилэр, эбии билбэттэрин билэн-көрөн дуоһуйа сынньаннылар. Көрсүһүүгэ кэлбит ыалдьыттар хомус дьикти дьүрүскэнигэр уйдаран, хомус туох дьиктилээҕин, хайдах оонньонуохтааҕын сэҥээрэ иһиттилэр.

Хас биирдии киһи тус аналлаах уһуйааччы, санаммыт санааны олоххо киллэрии туоһута, дьоҥҥо, кыаммат араҥаҕа үтүөнү оҥоруу диэн бу буоллаҕа. Кэлбит ыалдьыттарбытыгар махтанабыт, ситиһиини баҕарабыт.

                                                                                                                                 Обслуживание отдела.