Өрөспүүбүлүкэтээҕи көрбөттөр анал библиотекалара күөх экраҥҥа

«Библиотека» диэн тыл хас биирдии киһиэхэ туох эмэ ураты иэйиини уһугуннарар, санааны сөргүтэр суолталаах тыл. Өрөспүүбүлүкэтээҕи көрбөттөр анал библиотекалара биир оннук дьиэнэн буолар. Айылҕаттан ураты ааҕааччыларга, кинилэр уопсастыбаҕа миэстэлэрин булалларыгар, сайдалларыгар, доруобуйаларын туруга тупсарыгар диэн, библиотека, үтүө үгэстэрин илдьэ сылдьан, киэҥ хабааннаах информационнай эйгэни тэрийэр. Ону тэҥэ ааҕааччыларын уопсастыба култуурнай уонна социальнай олоҕор тардар, кытыарар сыаллаах-соруктаах.

Библиотека баай уонна дэгиттэр кинигэтин саппааһа араас саастаах уонна социальнай туруктаах дьону кытта үлэлэһэргэ кыах биэрэр. Саха Өрөспүүбүлүкэтин үрдүнэн маннык ураты библиотека соҕотох буоларын быһыытынан, улуустарга олорор ааҕааччыларын эмиэ кинигэ баайынан, ордук «саҥарар» кинигэлэринэн хааччыйар.

Библиотека үлэтин туһунан НВК Саха канал «Саха сиригэр суос соҕотох көрбөттөр анал библиотекалара аныгы үйэни тилэх баттаһар» диэн атырдьах ыйын 14 күннээҕи биэриитигэр көрүҥ.

Оставить комментарий