ҮРҮҤ ТУНАХ ЫҺЫАҔЫНАН!

Үс хаттыгастаах өндөл маҥан халлааннаах,
Өлбөт уһун үйэлээх,
Үгүһү үөдүппүт,
Элбэҕи тэниппит
Урааҥхай саха удьуордарын
Араҕас чэчир анньыллар,
Симэхтээх иһит сириэдийэр,
Чороон айах чуоҕуһар,
Кэриэн айах кэккэлэһэр
Үрүҥ Тунах ыһыаҕынан
Өрөспүүбүлүкэтээҕи көрбөттөр анал бибилэтиэкэлэрин үлэһиттэрин ааттарыттан нөрүөн-нөргүй, уруй-айхал буолуохтун! Сахалыы саргылаах
сайаҕас санааны, ыраас саһарҕалары, дохсун доруобуйаны! Алгыс бастыҥа, эҕэрдэ истиҥэ куйаарга эйээрдин, алаас үрдүнэн тэлээрдин!
Үрүҥ Тунах ыһыаҕынан
Дьол тосхойдун,
Туску туһаайдын,
Мичил билистин,
Айхал ананнын, уруй олохтоннун!

Оставить комментарий